चैतदेखि संस्थागत मुद्दती निक्षेपको ब्याजदर ७ प्रतिशत पुग्ने
प्रकाशित: विहिवार, १० चैत्र २०८०, १६ः०० बजे
- महानगरखवर
काठमाडौं । आगामी चैत्रदेखि संस्थागत मुद्दती निक्षेपको ब्याजदरमा बृद्धि हुने भएको छ ।
नेपाल राष्ट्र बैंकले यसअघि जारी गरेको चालु आर्थिक वर्षको मौद्रिक नीति अनुसार बैंकहरुले चैतदेखि व्यक्तिगत र संस्थागत मुद्दती निक्षेपको ब्याजअन्तर १ प्रतिशत मात्रै कायम गर्नुपर्नेछ ।
सो अनुसार चैतदेखि भने व्यक्तिगत मुद्दतीमा अधिकतम ब्याजदर ८ प्रतिशत दिएका बैंकले संस्थागत मुद्दतीमा ७ प्रतिशतसम्म दिन सक्नेछन ।
हाल व्यक्तिगत र संस्थागत मुद्दती निक्षेपको ब्याजअन्तर २ प्रतिशत विन्दु छ ।
हाल व्यक्तिगत मुद्दती निक्षेपमा अधिकतम ८ प्रतिशत ब्याज दिएका बैंकले संस्थागत मुद्दतीमा ६ प्रतिशत दिएका छन ।
Categorized in बैंक
