चेम्बरको दौड प्रतियोगितमा महानगरखवरका सञ्चारकर्मी शाक्य प्रथम
काठमाडौं । नेपाल चेम्बर अफ कमर्सले शनिवार आयोजना गरेको दौड प्रतियोगितामा महानगरखबरडटकमा संचारकर्मी रमेश शाक्य प्रथम भएका छन ।
कमर्शले आफ्नो ७० औं बार्षिक उत्सवको अवसरमा आयोजित दौड प्रतियोगितामा महानगरखवरडटकमा फोटो पत्रकार शाक्य बिजेता भएको आयोजकले जनाएको छ ।
शाक्यलाई दौड प्रतियोगिताका प्रमुख अथिति नेपाल सेनाका प्रधान सेनापति महारथी पूर्णचन्द्र थापाले प्रमाणपत्र तथा पुरस्कारबाट सम्मान गरेका थिए ।
सो प्रतियोगितमा अर्का सञ्चारकर्मी बालकृष्ण महर्जनले दोस्रो स्थान हासिल गरेका थिए । उनले अप्सरा वाःपौंबाट प्रतियोगितामा सहभागी भएका थिए ।
कर्मसका शिक्षा तथा खेलकुद समितिका अध्यक्ष दीपककाजी तुलाधारको संयोजकत्वमा भएको प्रतियोगितमा ३ सय भन्दा बढिले सहभागीता जनाएको शाक्यले जानकारी दिए ।
कर्मसका अध्यक्ष राजेशकाजी श्रेष्ठ लगायतका पदाधिकारीको उपस्थितीमा प्रतियोगितामा विजेता तथा सहभागीहरुलाई सम्मान तथा पुरस्कार वितरण गरिएको थियो ।
सो दौड प्रतियोगितामा विद्यार्थी छात्र/छात्रा, व्यवसायी र सञ्चारकर्मीहरुले भाग लिएका थिए ।
तस्वीरहरुः रमेश शाक्य/महानगरखबर
Categorized in मनोरन्जन
