काठमाडौं । कोभिड–१९ विरुद्धको चिनियाँ भेरोसेल खोप विहिवार ८ लाख डोज आईपुगेको स्वास्थ्य तथा जनसंख्या मन्त्रालयले जनाएको छ ।
सरकारले खरिद गरेको खोप बेइजिङबाट नेपाल ल्याइएको हो । यसअघि असार २५ गते पनि नेपाल एयरलाइन्सको जहाजले आठ लाख डोज खोप ल्याएकोे थियो ।
चीनबाट अबको तीन दिनभित्र २५ लाख खोप आउने स्वास्थ्य तथा जनसंख्या मन्त्रालयले जनाएको छ । साउन ९ गते चौथो खेपका लागि एयरलाइन्सको जहाज चीन जानेछ ।
चीनले यस अघि १८ लाख खोप अनुदानमा दिएको थियो । प्रधानमन्त्री शेरबहादुर देउवासँगको भेटामा चिनियाँ राजदूत होउ यान्छीले थप १६ लाख खोप अनुदानमा दिन लागेको बताएकी छिन ।
Categorized in स्वास्थ्य
