काठमाडौँ । चिनीको मौज्दात प्रशस्त भएकोले चिनी आयात रोकिने प्रधानमन्त्री केपी शर्मा ओलीले बताएका छन् ।
प्रधानमन्त्री निवास बालुवाटारमा शुक्रवार उखु उत्पादक किसान संघ र चिनी मिलका प्रतिनिधिहरुसँग भएको छलफलमा सो कुरा प्रधानमन्त्री ओलीले जानकारी दिएका थिए ।
स्वदेशी बजारको चिनीले विदेशबाट आएको सस्तो दरका चिनीसँग प्रतिस्पर्धा गर्न नसकेको गुनासो आएपछि सो निर्णय गरेको हो ।
नेपालमा पाकिस्तानलगायत विभिन्न देशबाट सस्तो मूल्यमा चिनी आयात हुने गरेको छ ।
प्रधानमन्त्री ओलीले चिनी आयात बन्द गरिएपछि मौज्दात रहेको चिनी बजारमा गई विक्री हुने र उखु किसानले पैसा पाउने बताएका छन् ।
त्यसैगरी प्रधानमन्त्री ओलीले उखुको आयत पनि विस्तारै रोक्ने सो छलफलको क्रममा बताएका थिए ।
कार्यक्रममा अर्थमन्त्री युवराज खतिवडा, उद्योग, वाणज्यि तथा आपूर्तीमन्त्री मात्रिका यादव, कृषि तथा पशुपक्षी मन्त्री चक्रपाणि खनालको समेत उपस्थिति रहेको थियो ।
Categorized in किनमेल