चितवन । पुर्वी चितवनमा ट्रकको ठक्करबाट गए राती एकको मृत्यु भएको प्रहरीले जनाएको छ ।
पूर्वी चितवनको टाँडी चोकमा ट्रकको ठक्करबाट खैरहनी नगरपालिका–१ का ३५ वर्षीय सुरज चौधरीको मृत्यु भएको हो ।
भण्डाराबाट नारायणगढतर्फ आउँदै गरेको ना४ख ३१२२ नं को ट्रकले विपरीत दिशातर्फ जाँदै गरेको ना३२प ५०६१ नं को मोटरसाइकललाई ठक्कर दिएको थियो ।
ठक्करबाट गम्भीर घाईते भएका मोटरसाईकलमा सवार चैधरीलाई उपचारका लागि भरतपुरतर्फ ल्याउँदै गर्दा बाटोमै मृत्यु भएको जिल्ला प्रहरी कार्यालयले जनाएको छ ।
प्रहरीले ट्रक चालकलाई प्रहरीले नियन्त्रणमा लिएको छ ।
Categorized in समाज
