काठमाडौं । काठमार्डौं महानगरका प्रमुख बिद्यासुन्दर शाक्यले विहिवार वडा ७ चावहिल चोकमा आकाशे पुलको उद्घाटन गरेका छन ।
प्रमुख शाक्यले कोविड महामारीको समस्या समाधान गर्दै पार्क निर्माण र हरियाली प्रबर्धनलाई जोड दिएको बताएका छन ।
शाक्यले वडा ६ मा मात्र करीब ८ करोड रुपैयाँ लागतमा २ वटा पार्क निर्माण भइरहेको जानकारी दिँदै वडा ६ को भवन निर्माण स्थल, त्यही वडाको निर्माणाधीन बागमती नगर पार्क र शान्ति नमूना पार्क, वडा ७ को मचागाः पार्कको अवलोकन गरेका थिए ।
महानगरका क्षेत्रगत काममध्ये अवलोकन यात्रु सुरक्षा तथा ट्राफिक व्यवस्थापन, पार्क निर्माण र हरियाली प्रत्रर्धन कार्यक्रममा केन्द्रीत हुने प्रमुख शाक्यको भनाई छ ।
पैदल यात्रु सुरक्षाका लागि आकाशे पुल निर्माण गरिरहेको र पिक एण्ड ड्रप लगायत अभियानबाट ट्राफिक व्यवस्थापनमा प्रयास महानगर रहेको मेयर शाक्यले वताए ।
चावहिलको पुलको लागत ८२ लाख ६६ हजार ७८३ रुपैयाँ हो । कान्छामान निर्माण सेवाले यसको निर्माण गरेको हो । २०७६ कार्तिक २७ गते नै सम्झौता गरेर काम थालनी गरेका थिए ।
आकाशे पुलका डिजाइनर इञ्जिनियर प्रेमबहादुर श्रेष्ठका अनुसार पुलको लम्बाइ २३ मिटर र चौडाइ २ मिटरको छ ।
वडा ७ का अध्यक्ष शुद्धकुमार डंगोल भने, ‘यसैको समानान्तर हुने गरी अर्को पाटोमा पनि यस्तै प्रकारको पुल बनाउन आवश्यक छ । प्रक्रिया यसका लागि प्रक्रिया अगाडि बढाइनेछ । आकाशे पुलले पैदल यात्रुलाई त सजिलो हुन्छ नै उनीहरुबाहेक दिनरात सडकमा बसेर सवारी व्यवस्थापन गर्ने ट्राफिक प्रहरीको काममा पनि धेरै खुकुलो हुनेछ ।’
Categorized in स्थानिय