काठमाडौं । चन्द्रलोक प्रतिष्ठानले ११४ औं अन्तर्राष्ट्रिय महिला दिवसको अवसरमा समाजमा योगदान पुराएकी ३० जना महिलाहरुलाई सम्मान गरेको छ ।
प्रष्ठिानले प्रतिनिधिसाभाकी उपप्रमुख इन्दिरा रानामगरको प्रमुख आतिथ्यमा आयोजित सो सम्मान कार्यक्रममा उक्त महिलाहरुलाई विशेष सम्मान गरेको हो ।
सो अवसरमा उपसभामुख रानामगरले गोरखापत्रका संस्थानबाट प्रकाशित मुना मासिकका सह –सम्पादक लक्ष्मी खतिवडा, नेतृ जयन्ती राई, रन्जु झा र गोकणेश्वर नगरपालिकाका उप प्रमुख सान्नानी लामालगायतका छन् ।
उपसभामुख इन्दिरा रानामगरले प्रतिष्ठानले देशैभरी विभिन्न क्षेत्रमा काम गरिरहेका महिलालाई सम्मान गरेर हौसला प्रदान गरेकोमा खुसी व्यक्त गरिन ।
कार्यक्रमा नेकपा (एकिकृत समाजवादी) वरिष्ठ नेता तथा पुर्व प्रधानमन्त्री झलनाथ खनालले नेपालमा लैङ्गिक समानताका लागि थुप्रै ऐन, कानुन, महिला, बालबालिका तथा ज्येष्ठ नागरिक मन्त्रालय, महिला आयोगको समेत व्यवस्था बताए ।
नेता खनलाले साहाना प्रधान, मङ्गलादेवी सिंहलगायतका थुप्रै अग्रज महिला नेतृले नेपाली समाजमा महिलाको राजनीतिक, आर्थिक र सामाजिक सशक्तिकरणका लागि उठाएको आवाजको परिणामले समाजमा निक्कै परिवर्तन आएको धारणा व्यक्त गरेका थिए ।
Categorized in समाज