चक्कु प्रहार गरी पेरिसमा चार प्रहरीको हत्या
काठमाडौं । फ्रान्सको राजधानी पेरिसस्थित प्रहरी मुख्यालयमा एक व्यक्तिले चक्कु प्रहार गरी चार प्रहरीको हत्या गरेको छ ।
प्रहरी अधिकारीका अनुसार आक्रमणकारी व्यक्ति मुख्यालयकै कर्मचारी रहेको बताइए पनि पहिचान खुलाएको छैन ।
आक्रमणकारी पनि प्रहरी आक्रमणमा मरेका छन ।
फ्रान्सका मिडियाका जासुसी विभागमा काम गर्ने ती व्यक्ति २० बर्षदेखि त्यहाँ कार्यरत रहेको थियो । घटनापछि सेन्ट्रल पेरिसस्थित इला डी ला क्षेत्रलाई प्रहरीले घेराबन्दी गरेको छ ।
फ्रान्सेली सञ्चारमाध्यमका अनुसार मर्नेहरुमा तीन पुरुष र एक महिला प्रहरीको रहेका छन भने एक व्यक्ति घाइते पनि छन ।
आक्रमणपछि राष्ट्रपति इमानुयल म्याक्रो, प्रधानमन्त्री एडवर्ड फिलिप र गृहमन्त्री क्रिष्टोफर केस्टानेरले घटनास्थलको निरीक्षण गरेका छन ।
Categorized in अन्तर्राष्ट्रिय
