काठमाडौं । सरकारले उपत्यकाभित्रका ग्वार्काे, सातदोबाटो र नख्खुमा फलाई ओभर बनाउने भएको छ ।
काठमाडौं चक्रपथ अन्तर्गत यी तीन स्थानमा फ्लाइ ओभर निर्माण गर्ने योजना भएको सडक विभागले जनाएको छ ।
सडक विभागका महानिर्देशक केशवकुमार शर्माका अनुसार यही आर्थिक बर्षमा विस्तृत आयोजना प्रतिवेदन तयार पार्न परामर्शदाता कम्पनी हायर गरिनेछ ।
सोही अनुसार सडक विभागको टिमले ट्रम्स अफ रिफ्रेन्स (टिओआर) तयार पारिरहेको छ । आगामी बर्ष तीनवटै फ्लाइ ओभर निर्माण सक्ने लक्ष्य विभागले लिएको छ ।
सरकार आफैले फ्लाइ ओभर निर्माण गर्न लागेको हो । चार लेनको सीधा सडकमा हिड्न फ्लाइ ओभर निर्माण गर्ने शर्माले बताए ।
यस अघि विभागले जापान सहयोग नियोग (जाइका) को सहयोगमा त्रिपुरेश्वर–माइतीघर फ्लाइ ओभर निर्माण गर्ने योजना बनेपनि सो योजना अघि बढ्न सकेन ।
Categorized in स्थानिय