काठमाडौं । सरकारले १३ दक्षिणी एशियाली खलकुद (साग) का स्वर्ण विजतेताहरुलाई नगद पुरस्कारको घोषणा गरेको छ ।
प्रधानमन्त्री बुधवार बिजेता खेलाडीहरुलाई विधाई दिन बोलाएको एक कार्यक्रममा नगद पुरस्कारको घोषणा गरेको हो ।
सरकारले एकभन्दा बढी स्वर्ण जित्नेलाई प्रत्येक स्वर्णका लागि ११ लाख रुपैयाँ पुरस्कार प्रदान गरिने भएको छ भने एक स्वर्ण जित्नेलाई ९ लाख दिने भएको छ ।
चार स्वर्ण बिजेता गौरिका सिंहले घोषणा रकम अनुसार ६५ लाख पाउने छन भने दुई÷दुई स्वर्ण विजेता कराँतेका मण्डेकाजी श्रेष्ठ, तेक्वान्दोका आयशा शाक्य र गल्फका सुवास तामाङले २२ लाख पाउने भएका छन ।
राष्ट्रिय खेलकुद परिषद् (राखेप) सदस्य सचिव रमेश सिलवालका अनुसार टिम इभेन्टमा स्वर्ण जित्ने टोलीका हरेक सदस्यलाई जनही ५ लाख रुपैयाँ दिइने छ ।
सागमा रजत जित्नेले ६ लाख र कांस्य जित्नेलाई ३ लाख पाउने भएका छन भने स्वर्ण पदक जित्ने खेलाडीका प्रशिक्षकहरुले पनि जनही ५ लाख रुपैयाँ पाउनेछन ।
काठमाडौंमा मंगलबार सकिएको सागमा नेपालले ५१ स्वर्ण, ६० रजत र ९५ कांस्यपदक प्राप्त गरेको थियो ।
Categorized in जीवनशैली