गोली लागि घाईते भएका जापानी पूर्वप्रधानमन्त्रीको निधन
काठमाडौं । चुनावी अभियानलाई सम्बोधन गर्ने क्रममा आक्रमणमा परेका जापानी पूर्व प्रधानमन्त्री सिन्जो अबेको निधन भएको छ ।
शुक्रवार विहान चुनावी अभियानमा उपस्थित एक व्यक्तीले सिन्जो माथि सटगन प्रहार गरेपछि उनलाई उपचारको लागि नारा मेडिकल युनिर्भसिटीमा हलिकप्टरमा लगिएको थियो ।
तर उनको उपचारको क्रममा दिउँसो मृत्यु भएको जापानी प्रसारण संस्था एनएचकेलाई उद्धृत गर्दै समाचार संस्था रोयटर्सले जनाएको छ ।
६७ वर्षीय आबेमाथि पश्चिम जापानको नारा सहरमा चुनावी अभियानका क्रममा ४१ वर्षीय शंकास्पद पुरूषले उनीमाथि गोली प्रहार गरेका थिए ।
आक्रमण लगत्तै आबे आफ्नो छातीमा समाउँदै ढलेका थिए ।
प्रहरीले ती व्यक्तिलाई नियन्त्रणमा लिएको छ । उनले किन आबेमाथि गोली प्रहार गरे कारण खुल्न सकेको छैन ।
Categorized in अन्तर्राष्ट्रिय
