काठमाडौं । काठमाडौंको गांगोबुस्थित मित्रनगरमा टिपरको ठक्करबाट मोटरसाइकलमा सवार एक जनाको मृत्यु भएको छ ।
गएराति गोंगबु मित्रनगर १ नम्बर गेट नजिकै दुर्घटना हुँदा मोटरसाईकलमा सवार तार्केश्वर नगरपालिका चिसापानी बस्ने गोरखाका २५ वर्षीय रनबहादुर तामाङको मृत्यु भएको प्रहरीले जनाएको छ ।
बा .प्र.०३–००१ प ०५०० नम्बरको टिपरले बा.५४ प ५२६६ नम्बरको मोटरसाइकललाई ठक्कर दिँदा मोटरसाइकलमा सवार दुर्घटनामा गम्भीर घाइते भएका थिए ।
उनको त्रिवि शिक्षण अस्पताल महाराजगञ्जमा उपचारको क्रममा मृत्यु भएको हो ।
साथै घाइेते मोटरसाईकल चालकको पनि शिक्षण अस्पतालमै उपचार भईरहेकोे प्रहरीले जनाएको छ ।
टिपर चालकलाई प्रहरीले नियन्त्रणमा लिएको छ ।
Categorized in समाज