काठमाडौं । काठमाडौं महानगरपालिकाले महानगरभित्रका गरिब घरपरिवार पहिचानको लागि तथ्यांक संकलन गर्ने भएको छ ।
शनिवार एक सुचना जारी गरी महानगरले सो तथ्यांक संकलनको लागि २१ सुपरीवेक्षक र २०९ गणक गरी २३० जना करारमा कमचारी पनि माग गरेको छ ।
करारमा नियुक्त हुने कर्मचारीको हकमा महानगरपालिकाका बासिन्दालाई पहिलो प्राथमिकता दिने भएको छ ।
त्यसैगरी यसअघि जनगणना वा सर्वेक्षणमा काम गरेको र महानगरपलिकाबाट विगतमा पनि सोही कार्यक्रममा छनोट भएकाहरूलाई विशेष प्राथमिकता दिइने सूचनामा उल्लेख छ ।
जारी सुचना अुनसार २०८० पुस ६ गतेसम्म दरखास्त दिइसक्नु पर्ने र महानगरको वेभ साइटबाट दिन सकिने र निः शुल्क हुने महानगरले जनाएको छ ।
सुपरीवेक्षकको पारिश्रमिक मासिक ३४ हजार ७३० रूपैयाँ र इन्टरनेट खर्च २ हजार तोकिएको छ । गणकलाई मासिक ३२ हजार ९०२ रूपैयाँ पारिश्रमिक र २ हजार रूपैयाँ इन्टरनेट खर्च तोकेको छ ।
Categorized in स्थानिय
