काठमाडौं । चितवनको भरतपुर महानगरपालिका वडा नं. ११ स्थित भोजाङ विशालचोकमा गण्डकी विकास बैंकले नयाँ शाखा सञ्चालनमा ल्याएको छ ।
बैंकका सञ्चालक बासुदेव त्रिपाठीको अध्यक्षतामा संचालित शाखा उद्घाटन कार्यक्रममा चितवन निर्वाचन क्षेत्र न.२ (ख) का प्रदेश सभा सदस्य बिजय सुवेदीले शाखाको उद्घाटन गरेका थिए ।
कार्यक्रममा बैंकका नायब प्रमुख कार्यकारी अधिकृत छविन्द्रनाथ शर्माले बैंकका सेवा सुविधाका बारेमा जानकारी गराएका थिए ।
बैंकका ग्राहकले नयाँ शाखाबाट सम्पूणै बैंकिक सुविधा सहजै प्रदान गर्न सकिने अधिकृत शर्माले बताए ।
यो सँगै अब बैंकको शाखा संख्या ७७ पुगेको छ ।
Categorized in बैंक