काठमाडौं । विहिवार विहान भक्तपुरको गठ्ठाघर चोकमा ट्रकको ठक्करबाट स्कुटरमा सवार एक महिलाको मृत्यु भएको छ ।
प्रहरीका अनुसार मृत्यु हुनेमा ४१ वर्षीया नवीना देउला हुन भने उनका श्रीमान जिते देउला घाइते छन । घाइते देउलको नागरिक अस्पतालमा उपचार भइरहेको छ ।
भक्तपुरबाट काठमाडौंतर्फ जाँदै गरेको ना ८ ख २३११ नम्बरको १२ चक्के ट्रकले विहान ७ बजे सोही दिशातर्फ गइरहेको बा.प्र. ०२–०३८ प ४४०१ नम्बरको स्कुटरलाई ठक्कर दिएको थियो ।
प्रहरीले ट्रक चालक मकवानपुरगढी–४ का ३८ वर्षीय बुद्ध बहादुर घलानलाई प्रहरी वृत्त ठिमीले नियन्त्रणमा लिएर अनुसन्धान अघि बढाएको छ ।
Categorized in समाज
