खोप लगाउन नपाएपछि पेट्रोल व्यवसायी फेरि आन्दोलित
काठमाडौं । पेट्रोल पम्प व्यवसायीहरूले कोरोनाविरूद्ध खोप लगाउन नपाएपछि आन्दोलन गर्ने चेतावनी दिएका छन ।
बागमती पेट्रोलियम डिलर्स एशोसिएसनले खोपको व्यवस्था नभए आइतबारदेखि आन्दोलनमा उत्रने विज्ञप्ती जारी गरेर चेतावनी दिएको छ ।
यस अघि मजदुरहरुलाई खोप लगाउन केन्द्रहरूमा गए पनि लगाउन नपाएपछि उनीहरु आन्दोलनमा उत्रिन बाध्य भएको बताईएको छ ।
एशोसिएसनको सोमबार बस्ने बैठकले आन्दोलनका कार्यक्रम सार्वजनिक गर्ने जारी विज्ञप्तीमा जनाएको छ ।
कोरोना महामारीमा जोखिम मोलेर काम गरेका मजदुरलाई खोप लगाउने व्यवस्था सरकारले मिलाउनुपर्ने मजुदर तथा व्यवसायीहरुको भनाई छ । यस अघि बुधबारदेखि उनीहरूले पेट्रोलियम पदार्थ खरिद नगर्ने चेतावनी दिएपछि खोप व्यवस्थापन गर्ने कुराकानी भएको थियो ।
नेपाल आयल निगमले प्रत्येक पेट्रोल पम्पमा तीन जनालाई खोप लगाउने गरी व्यवस्थापन मिलाउने भने पनि कार्यान्वयन हुन नसकेको व्यवसायीहरूले बताएका छन ।
Categorized in किनमेल
