खुलामञ्च खुला अभियानः फेरि चल्यो डोजर (फोटो फिचर)
काठमाडौं । काठमाडौं महानगरपालिकाले खुलामञ्च खुला गराउने अभियानलाई निरन्तरता दिएको छ ।
आईतवार खुलामञ्चमा महानगरपालिकाले त्यहाँ रहेका अस्थायी संरचनाहरु हटाउन फेरि डोजर चलाएको छ । यस अघि पनि खुलामञ्चमा महानगरपालिकाले थुप्रिएका निर्माण सामग्री र संरचनाहरुमा डोजर चलाएर हटाएको थियो ।
राष्ट्रिय महत्वका संरचना दरबार हाइस्कुलको निर्माण सम्पन्न भएको र वीर अस्पतालको समेत पुननिर्माण कार्य सम्पन्न चरणमा पुगेकोले निर्माण सामग्री र संरचना हटाई खुलामञ्चलाई खुला गर्ने अभियानलाई काठमाडौँ महानगरपालिकाले निरन्तरता दिएको हो ।
केही दिनमा नै खुलामञ्च खुला हुने महानगरका प्रमुख प्रशासकीय अधिकृत राजेश्वर ज्ञवालीले बताए ।
महानगरका नगर प्रहरी प्रमुख धनपति सापकोटाले आज खुलामञ्चमा पुर्ननिर्माणका लागि निर्माण सामग्री राख्न निर्माण गरेका संरचना वरीपरीको वार भत्काएको जानकरी दिए ।
Categorized in स्थानिय
