काठमाडौं । काठमाडौं भ्यू टावर निर्माणको ठेक्का पाएका जलेश्वर स्वच्छन्द विकाई विल्डर्सले गैरकानुनी रुपमा सटर निर्माण गरी भाँडा असुली गर्न थालेको छ ।
विल्डर्सले ४ लाख देखि १५ लाखसम्म अग्रिम पैसा उठाएर निर्माण गरिएको प्रति सटरको प्रति महिना १२ हजार रुपियाँ दरले भाडा समेत उठाउँदै आएका छन ।
अहिले सटरहरुमा धमाधम फर्निचरको काम समेत भईरहेको देखिएको छ । सो सटरहरुमा विभिन्न लुगा पसल, खाजा पसल, फलफुल तथा जुस पसलहरु सञ्चालन भईरहेको छ ।
यस विषयमा काठमाडौं महानगरपालिकालाई भने कुनै जानकारी नभएको बताएको छ ।
महानगरले खुलामञ्चमा क्यान्टिन, यात्रु प्रतिक्षालय र सौचालयको बनाउनको लागि अनुमति दिएकोमा ठेकेदार कम्पनीले भने गैरकानुनी रुपमा व्यवसायिक सटर निर्माण गरेर नाफा कमाईरहेको छ ।
गैरकानुनी रुपमा निर्माण गरिएको सो सटरहरु महानगरले चाँडै भत्काउँने तयारी गरिरहेको जनाएको छ ।
Categorized in समाज
