काठमाडौं । सरकारले चीनको वुहानबाट काठमाडौं ल्याएका १७५ जनाले १४ दिनमै घर परिवारसँग भेटघाट गर्न नपाउने भएका छन ।
भक्तपुरको खरिपाटीस्थित क्वारेण्टाइनमा चिकित्सकको निगरानीमा राखिएका उनीहरुको १४ औ दिनको अन्तिम पटक स्वाब (¥याल, खकार) परीक्षण गरे पनि रिपोर्ट नआएसम्म उनीहरु घर जान नपाउने भएका हुन ।
स्वास्थ्य मन्त्रालयका सहप्रवक्ता सागर दाहालका अनुसार १४ औं दिनको रिपोर्ट आउन २÷३ दिन लाग्ने भएकोले केही दिन अझै क्वारेण्टाइनमा बस्नुपर्ने हुन्छ ।
१७५ जना कसैलाई पनि अहिलेसम्म ज्वरो, रुघाखोकी नलागेको दाहालको भनाई छ । वारेण्टाइनमा राखिएकाहरुको निगरानी गर्न सेना र प्रहरीका ८० जना स्वास्थ्यकर्मी खटाइएको छ ।
उनीहरुलाई फागुन ४ गते आईतबार विहान खरिपाटी ल्याएको थियो ।
Categorized in स्वास्थ्य