क्रिकेटर सन्दीप लामिछाने दोषी ठहर, २५ गते सजाय सुनाईने
प्रकाशित: शुक्रवार, १३ पुस २०८०, १९ः५० बजे
- महानगरखबर
काठमाडौं । क्रिकेटर सन्दीप लामिछाने बलात्कार मुद्दामा दोषी ठहर भएको छ ।
जिल्ला अदालत काठमाडौंले आज गरेको फैसला सुनवाईमा क्रिकेटर लामिछाने दोषी भएको ठहर गरेको हो ।
न्यायाधीश शिशिर ढकालले उनलाई दोषी ठहर गरेको सूचना अधिकारी चन्द्रप्रसाद पन्थीले जानकारी दिए । सन्दीपलाई कति वर्ष जेल सजाय गर्ने भन्नेबारे निर्णय गर्न भने अदालतले पुस २५ गते सुनाउने जनाएको छ ।
इजलासले उनलाई गौशाला २६ पीडितको आर्थिक अवस्था कमजोर भएको फाइदा उठाएर करणी गरेको ठहर गरेको छ ।
गएको वर्ष भदौ ५ गते गौशालास्थित एक होटलमा लगेर नाबालिग बालिका बलात्कार गरेको भन्दै सरकारी वकिलले मुद्दा दायर गरेको थियो।
आइतबारदेखि यो मुद्दामा निरन्तर बहस भइरहेको थियो ।
Categorized in समाज
