काठमाडौं । विपी कोईराला मेमोरियल क्यान्सक्यान्सर उपचारको लागि ब्राकी थेरापी उपकरण जडानर अस्पताल भरतपुर चितवनमा शरीरको भित्री अंग सेकाइ गर्ने नयाँ ब्राकी थेरापी उपकरण जडान गरिएको छ ।
आजबाट परीक्षण थालिने र केही दिनमा नै बिरामीलाई सेवा दिन शुरु गरिने अस्पतालका कार्यकारी निर्देशक डा. बिजयचन्द्र आचार्यले जानकारी दिएका छन् ।
बढी संख्यामा महिलाको पाठेघरको क्यान्सर भएकालाई सेकाइ गर्न सो उपकरण प्रयोग हुने अस्पताल प्रशासनले बताएका छन् । अस्पताल स्थापना हुँदा विसं २०५७ सालमा जडान गरिएको ब्राकी थेरापी उपकरण विगत ६ बर्ष अघि बिग्रिएपछि अहिले आएर जडान गरिएको छ ।
करिब रु दुई करोड ५० लाखको लागतमा खरीद गरिएको उक्त उपकरण नयाँ र उच्च प्रविधिको रहेको छ । अस्पतालमा वार्षिक एक लाख ५० हजारभन्दा बढी बिरामी उपचारका लागि आउने गरको अस्पताल तथ्यांकले जनाएको छ । । जसमध्ये १० हजार हाराहारी क्यान्सरका बिरामी हुने गर्दछन ।
Categorized in स्वास्थ्य
