काठमाडौं । विश्व स्वास्थ्य संगठन (डब्लुएचओ)ले कोरोना (केभिड १९) लाई ले विश्वव्यापी महामारी घोषणा गरेको छ ।
डब्लुएचओले बुधवार पत्रकार सम्मेलन गरी उक्त घोषणा गर्दै भाइरसलाई हल्का र लापरबाही रुपमा नलिन आग्रह गरेको हो ।
संगठनका महानिर्देशक टेड्रोस एड्हानोम गेब्रायसेजले पत्रकार सम्मेलनमा भाइरसको बढ्दो प्रभावलाई लिएर विश्व चिन्तित भएको भन्दै यसको रोकथामको लागि सबै देशले आक्रमक निर्णय लिन समेत आग्रह गरेका छन ।
विश्वभरका १०० भन्दा धेरै देशहरुमा फैलिइसकेको यो भाईरसका कारण अलिहे सम्म चार हजार जनाले ज्यान गुमाईसकेको अवस्था छ ।
विश्व स्वास्थ्य संगठनले यही आँकडालाई समेत आधार मान्दै विश्वव्यापी महामारीको घोषणा गरेको हो ।
उनले प्रत्येक सरकारले आफ्ना नागरिकहरुलाई भाइरसबाट सचेत गराउँदै त्यसबाट बच्ने उपायहरुका बारेमा जानकारी दिनको लागि अनुरोध गरेका छन ।
Categorized in अन्तर्राष्ट्रिय