काठमाडौं । कोरोनाको जोखिम बढेसँगै सरकारले भीडभाड, हुलमुल हुने कार्यक्रम रोक लगाएको छ ।
बुधवार नियमित पत्रकार सम्मेलनमा स्वास्थ्य तथा जनसंख्या मन्त्रालयले होली पर्व घरमै मनाउन र भीडभाड नगर्न अपील गरेको छ ।
मन्त्रालयका सहप्रवक्ता डा. समीरकुमार अधिकारीले भने, ‘पछिल्लो केही दिनमा संक्रमणको संख्या उकालो लागेको छ । जोखिम पनि बढेको छ । त्यसैले होली घरमै मनाउन र भीडभाड नगर्न आग्रह गर्छौं ।’
होली पहाडमा चैत १५ र तराई मधेसका जिल्लामा १६ गते मनाइँदैछ ।
३९६३ परीक्षण गरिएकोमा बुधवार देशभर १४५ जना कोरोना संक्रमित पुष्टि भएको छ ।
Categorized in स्वास्थ्य
