काठमाडौं । ललितपुर महानगरपालिकाको कुपोण्डोलदेखि लगनखेलसम्म तथा पुल्चोकदेखि मंगलवजारसम्म पहिलो चरणमा साईकल लेन निर्माण हुने भएको छ ।
ललितपुर महानगरपालिकाले नगरका भित्री भागमा साइकल मार्ग विकास गर्ने योजना अगाडि बढाएको महानगर प्रवक्ता राजु महर्जनले जानकारी दिए ।
नेपाल साइकल सोसाइटीले यसका लागि सम्भाव्यता अध्ययन कार्य गरिरहेको महानगरपालिकाले जनाएको छ ।
यहाँका ठूला सडकमा साइकल लेन निर्माणका लागि अध्ययन शुरु भएको र यसका लागि चालू आर्थिक वर्षको बजेटमा रु १० लाख विनियोजन भएको महानगरपालिकाले जनाएको छ ।
पर्यटकीय गन्तव्यका लागि पर्यटकीय बस सञ्चालनको योजना पनि रहेको प्रवक्ता महर्जनले जानकारी दिँदै महानगरपालिकाले वातावरणमैत्री सवारी साधनको प्रयोग बढाउने र पर्यटकलाई सुविधा दिने विषयमा गम्भीर भएको बताए ।
Categorized in समाज
