कीर्तिपुरको प्यंगःथांबाट करुणामयको प्रतिमूर्ति हटाउने निर्णय
काठमाडौं । परम्परालाइ निरन्तरता दिन तत्काल कीर्तिपुर–२ प्यंगःथांबाट करुणामयको प्रतिमूर्ति हटाईने भएको छ ।
विगत केहि महिनादेखि चुलिंदै आएको बुंग द्यः करुणामयको प्रतिमूर्ति विवादले करिब डेढ शताब्दिदेखि चलिआएको परम्परा संकटमा परेपछि परम्परालाइ निरन्तरता दिन सो निर्णय गरेको हो ।
आज (बुधवार चैत २९) गते कीतिपुर नगरपालिकाको कार्यकक्षमा बसेको परम्परागत दाफा बाजा खलः तथा सरोकारवाला समुदायको बैठकले उक्त निर्णय गरेको हो ।
कीर्तिपुर, प्यंगःथांमा करुणामयको मूर्ति रहेसम्म बुंगमतिका पानेजुहरु करुणामयको फूल, प्रसाद चढाउन नआउने भनेपछि ललितपुर, बुंगमतिको ह्यंगृव भैरव ३२ पानेजु संघ र प्यंगःथांस्थित सुखी गःछे‘ समाजबीच विवाद चर्किएर १६७९ वर्षदेखि चल्दै आएको परम्परा संकटउन्मुख थियो ।
सोहि विषयलाई मध्यनजर गरि कीर्तिपुर नगरपालिकाद्वारा आज सरोकारवाला परम्परागत दाफा, बाजं खलःका प्रतिनिधिहरु बोलाई बैठक आयोजना गरिएको थियो ।
कीर्तिपुर नगरपालिकाका मेयर राजकुमार नकर्मीको उपस्थितिमा बसेको बैठकमा सहभागी सरोकारवालाहरुले तत्काल उक्त मूर्ति प्यंगःथां चोकबाट हटाई नगरपालिकाको जिम्मेवारीमा ब्यवस्थापन गर्ने निर्णय सर्वसम्मतिले पारित गरेको थियो ।
बैठकमा कीर्तिपुर नगरपालिकाका १, २, ३, ७, ९ र १० का वडा अध्यक्षहरु हिरालाल महर्जन, रुपेश महर्जन, सुविन्द्र महर्जन, दिवाकर अधिकारी, दिनेश श्रेष्ठ र नरेश महर्जनको पनि उपस्थिति रहेको थियो ।
Categorized in सम्पदा/संस्कृति
