किरण सिंह बोगटीले म्याराथनमा स्वर्ण जिते
काठमाडौं । किरण सिंह बोगटीले नेपालको लागि म्याराथनमा शनिवार स्वर्ण जितेका छन ।
१३ औं दक्षिण एसियाली खेलकुद (साग) अन्तर्गत ४२ किलोमिटर म्याराथन दौडमा बोगटीले नेपाललाई स्वर्ण पदक दिलाएका हुन ।
उनले निर्धारित दूरी २ घण्टा २१ मिनेट १७ सेकेण्डमा पूरा गरेर स्वर्ण पदक हासिल गरेका थिए ।
पुरुष म्याराथनको यस स्पर्धामा भारतीय खेलाडी दोस्रो र तेस्रो हुँदै रजत र कास्य पदक जिते ।
यस सन १९९५ मा नेपालका टीका बोगटीले म्याराथनमा स्वर्ण जितेका थिए ।
साग खेलकुदको ईतिहासमा सबैभन्दा कम समयमा म्याराथन दौड जितेको रेकर्ड भने बैकुण्ठ मानन्धरको नाममा छ । उनले सन १९८७ मा २ घण्टा १५ मिनेट ३ सेकेण्डमा निर्धारित दुरी पार गरेर रेकर्ड राखेका छन ।
त्यसैगरी मानन्धरले १९८४ र १९८५ मा पनि म्याराथन दौड जितेका थिए ।
Categorized in मनोरन्जन
