काठमाडौं । विश्व सम्पदा सुचिकृत काष्ठमण्डप पुननिर्माणको लागि काठमाडौं महानगरपालिको थप रकम हस्तान्तरण गरेको छ ।
महानगरपालिकाले विहिवार एक कार्यक्रम विच काष्ठमण्डप पुननिर्माणका लागि थप ५ करोड रुपैयाँ उपदब्ध गराएको हो ।
महानगर प्रमुख विद्यासुन्दर शाक्यले काष्ठमण्डप पुनर्निर्माण समितिका अध्यक्ष तथा काठमाडौं क्षेत्र नं. ८ का प्रदेश सभा सदस्य राजेशकाजी शाक्यलाई करोड रुपैयाँको चेक प्रदान गरेका छन ।
काष्ठमण्डपमा पुनर्निर्माणका लागि थप रकमसहित १० करोड ५० लाख रकम निर्माण समितिलाई हस्तान्तरण गरिएको महनगरले बताएको छ ।
२०७५ जेठ २९ गते काम सुरू गर्न ५० लाख रुपैयाँ र त्यसै वर्षको असोज २७ गते थप ५ करोड रुपैयाँ उपलब्ध गराइएको थियो ।
समितिका अध्यक्ष शाक्यको नेतृत्वमा गठित ५५ सदस्यीय समितिले काष्ठमण्डप पुनर्निर्माणको काम धमाधम गरिरहेका छन ।
काष्ठमण्डपको ५५ प्रतिशत काम सकिएको मेयर शाक्यले बताउँदै काष्ठमण्डप निर्माण समयमै गर्न समितिलाई आग्रह गरेका थिए ।
Categorized in सम्पदा/संस्कृति