काठमाडौं । काठमाडौं महानगरपालिकाको कार्यपालिका समिति बैठकमा १६ वडाका अध्यक्ष स्व. मुकुुन्द रिजालको निधनप्रति शोक व्यक्त गरेका छन ।
आईतवार जारी महानगरको २२ औं कार्यपालिका बैठकमा कामपा प्रवक्ता एंव १७ वडा अध्यक्ष नविन मानन्धरले शोक व्यक्त गरेका छन ।
उनले स्व. रिजालको निधनले महानगरपालिकालाई ठुलो क्षति पुुगेको बताउँदै रिजाल निर्भिक, स्पष्ट वक्ता र महानगरको योजनामा सक्रिय वडा अध्यक्षको रुपमा रहेको बताए ।
त्यसैगरी वडा १५ का अध्यक्ष ईश्रमान डंगोलले पनि स्व. रिजाल प्रति शोक व्यक्त गरेका छन । उनले स्व. रिजालसँगको सम्बन्ध एकदमै सुखद र मिलनसार व्यक्तित्व भएको चर्चा गरे ।
चःमति जग्गा आयोजनामा रिजालसँगको सहकार्य र सहयोग बारे पनि वडा अध्यक्ष डंगोलले सम्झोका थिए ।
त्यसैगरी बैठकमा सहभागी वडा अध्यक्षहरु पनि रिजालप्रति शोक व्यक्त गरेका थिए ।
महानगरका प्रमुख बालेन्द्र साह र उपप्रमुख सुनिता डंगोलले पनि स्व.रिजालप्रति शोक व्यक्त गरेका थिए ।
साथै आगामी असोज २ गते मंगलवार विहान ९ बजे राष्ट्रिय सभागृहमा स्व. वडा अध्यक्ष रिजालको शोकमा श्रद्धाञ्जली सभा कार्यक्रम हुने भएको छ ।
Categorized in स्थानिय