काठमाडौं । काठमाडौं महानगरपालिकाका वडा २८ को सहकार्य तथा सामुदायिक सेवा तथा सामुदायिक प्रहरी सेवा केन्द्र र महिला सञ्जालको सह–आयोजनामा जेष्ठ महिलाहरु सम्मानित हुने भएको छ ।
भाद्र २२ गते शुक्रवार कामपा २८ वडा भित्र बसोवास गर्ने ७५ बर्षमाथिका स्थानीय जेष्ठ महिलाहरुलाई सम्मान गर्न लागिएको कार्यक्रम सह–आयोजक समितिका सदस्य अजय खड्गीले जानकारी दिए ।
काठमाडौं महानगरपालिकाकी उपप्रमुख सुुनिता डंगोलको प्रमुख आतिथ्य र कार्यक्रम आयोजक २८ वडा अध्यक्ष भाइराम खड्गीको विशेष अतिथिमा एकसय जना बढि जेष्ठ महिलाहरुलाई सम्मान गरिने भएको हो ।
मंगलवारसम्म नाम दर्ता गर्नेको संख्या ६५ जना भन्दा बढि भईसकेको र आउने क्रम जारी रहेकोले सय भन्दा बढि हुन सक्ने प्रहरी सेवा केन्द्रका प्रहरी हवल्दार हर्कराज जोशीले बताए ।
वडाको सभाहलमा विहान ११ बजे गर्न लागिएको सो कार्यक्रम सेवा केन्द्रका महासचिव कमरुद्धिन मियाँले सञ्चालन गर्ने भएको छ ।
Categorized in समाज
