काठमाडौं । अफगानानिस्तानको काबुलमा बुधवार भएको आतंकारी आक्रमणमा परि ११ नेपाली घाईते भएको अन्तराष्ट्रिय सञ्चारमाध्यम बीबीसीले जनाएको छ ।
बीबीसीका अनुसार आक्रमणमा परि १० जनाको मृत्यु भएको थियो भने १६ जना घाईते भएकोमा नेपाली नागरिक ११ जना र बेलायती ५ जना रहेको छ ।
विश्वकै सबैभन्दा ठुला सुरक्षा कम्पनी जीफोरएस कम्पनीको भित्र आतंककारी हमलावार छिरेर गोली चलाएको थियो ।
अफगानिस्तानको आन्तरिक मामिला मन्त्रालयले घटनामा नेपाली घाइते भएको पुष्टि गरे पनि उनीहरुको परिचय र अवस्थाबारे खुलाएको छैन ।
घाइते नेपालीहरु ब्रिटिस सुरक्षासम्बन्धी कम्पनी जीफोरएसमा कार्यरत थिए ।
आक्रमणको जिम्मा तालिवानले लिएको छ । यसअघि काबुलको एक आक्रमणमा १२ नेपाली मारिएका थिए ।
Categorized in अन्तर्राष्ट्रिय