कातिक १३ गते किजापूजाको लागि विदा माग
काठमाडौं । काठमाडौं उपत्यकाका नेवाः सांसदहरुले सरकारसँग कातिक १३ गते किजापुजा (भाईपुजा) दिन विदा माग गरेका छन ।
आईतबार काठमाडौं उपत्यकाबाट प्रतिनिधित्व गर्ने संघीय सांसद र प्रदेश सांसदको एक टोलीले प्रधानमन्त्री केपी शर्मा ओलीलाई भेट गरी विदा माग गरेका हुन ।
यस वर्षको तिहारमा सरकारले कात्तिक १०, ११ र १२ गते मात्र विदा दिने निर्णय गरेको भएपनि नेवाः परम्परा र व्यवहार अनुसार कातिक १३ गते मात्र भाईपूजा (किजा पुजा) पर्ने भएकोले विदा माग गरेका हुन ।
उपत्यका संघीय सांसद कृष्णगोपाल श्रेष्ठ, प्रदेश नम्बर तीनका प्रदेश सांसदहरु डा. अजयक्रान्ति शाक्य, राजेश शाक्य, काठमाडौँ महानगरपालिका २२ का अध्यक्ष चिनिकाजी महर्जनलगायतको टोलीले प्रम ओलीलाई भेटेका थिए ।
आफूहरुको मागप्रति प्रधानमन्त्री ओली सकरात्मक देखिएको सांसद श्रेष्ठले बताए ।
भेटमा सांसदको टोलीलाई कातिक १३ गते विदा दिने आश्वस दिएको संसाद कृष्णगोपाल श्रेष्ठले बताएका छन ।
पञ्चाङ समिति अनुसार कात्तिक १०, ११ र १२ गते तिहार सकिने भएपनि नेवाः समूदायको परम्पराअनुसार नेपाल सम्वतको नयाँ वर्ष ११४० कात्तिक १२ गते सूर्योदयसँगै मनाउने र बेलुका म्हपुजा गर्ने चलन छ ।
यस अघि नेपाल भाषा मकाः खलःले पत्रकार सम्मेलन गरेर पञ्चाङ समितिको निर्णय अनुसार नभई नेवाः परम्परा अनुसार अनुसार कार्तिक ११ गते लक्ष्मी पूजा, १२ गते नेपाल संवत, म्हपूजा र १३ गते किजापूजा (भाई) पूजा गर्न जारी विज्ञप्तीमार्फत सबैमा अनुरोध गरेको छ
Categorized in राष्ट्रिय
