काठमाडौं । काठमाडौं महानगरपालिका र अनलाईन पे सेवा ईसेवाविच आईतवार एक सम्झौता भएको छ ।
सम्झौता अनुसार महानगरवासीले अब ईसेवाको माध्यमबाट सजिलैसँग सम्पूर्ण करहरु तिर्न सकिने भएको महानगरपालिकाले जनाएको छ ।
अबदेखि महानगरपालिकाको सम्पत्ति तथा भूमि, व्यवसाय र बहाल कर इसेवाबाट सजिलै भुक्तानी गर्न सकिने विज्ञप्तिमा उल्लेख छ ।
इसेवा एकाउन्ट भएका व्यक्तिले मोबाइलबाट सिधै कर तथा राजस्व भुक्तानी गर्न सक्नेछन । इसेवा एकाउन्ट नभएकाले पनि नजिकै रहेका इसेवा जोन तथा प्वाइन्टमार्फत कर भुक्तानी गर्न सक्नेछन ।
इसेवाबाट भुक्तानी सहजताका लागि महानगरबासीले सुरूमा वडा कार्यालयमा आफ्नो इमेल र फोन नम्बर दर्ता गराइ लग इन आइडी लिनुपर्नेछ । त्यसपछि इसेवाको मोबाइल एप अथवा वेबसाइटबाट भुक्तानी गर्न सकिनेछ । यसबाहेक काठमाडौं महानगरपालिकाको वेबसाइटबाट पनि युजर नेम र पासवर्ड राखेर इसेवाबाट कर तथा राजस्व दाखिला गर्न सकिनेछ ।
Categorized in प्रबिधि