काठमाडौँ । काठमाडौँ महानगरपालिकालाई भगिनी सहर तिव्वतको ल्हासा नगरले ४ थान भेन्टिलेटर सहयोग प्रदान गरेको छ ।
भीजी ७० मोडेलका ४ थान भेन्टिलेटरसहति सामाग्रीहरु बैशाख ३१ गते महानगरमा आइपुगेका हुन । भोटेकोसी गाउँपालिकाका अध्यक्ष राजकुमार पौडेल र लाञ्जाउका लागि काठमाडौँ महानगरका अवैतनिक महावाणिज्यदूत किशोर बस्नेतले भन्सारबाट सामान बुझेर ३० गते राती महानगरसम्म ल्याएको हो ।
महानगरका प्रमुख प्रशासकीय अधिकृत राजेश्वर ज्ञवाली भेन्टिलेटर बुझेका छन । प्राप्त सामाग्रीहरुमा ‘हामी हिमाल र नदीले जोडिएका छौँ । हाम्रो मित्रता सधैँ रहिरहनेछ ।’ र ‘ल्हासा र काठमाडौँको मित्रता दिगो रही रहन्छ ।’ लेखिएको छ ।
प्रमुख प्रशासकीय अधिकृत ज्ञवालीले काठमाडौँका नागरिककातर्फबाट हामी ल्हासा नगर र त्यहाँका नागरिकप्रति आभार प्रकट गरेका छन ।
महानगरको अन्तरराष्ट्रिय सम्बन्ध सचिवालयका प्रमुख महेश काफ्लेकाअनुसार भगिनी सम्बन्ध भएका चीनका लाञ्जाउ, छेन्दु, नान्जिनलगायत नगरहरुले पनि सहयोगको इच्छा व्यक्त गरेका छन ।
अवैतनिक महावाणिज्यदूत वस्नेतकाअनुसार ल्हासाबाट पठाइएका भेन्टिलेटरको मूल्य ८ लाख आरएमबि (करीब १ करोड ५० लाख रुपैयाँ) हो ।
Categorized in स्थानिय