काठमाडौ प्रहरीले अब जिपिएस ट्रयाकिङबाटै घट्नास्थल पत्ता लगाउने
काठमाडौं । काठमाडौं प्रहरीले अब जिपिएस ट्रयाकिङबाटै घटनास्थल पत्ता लगाउने भएको छ ।
महानगरीय प्रहरी परिसर, काठमाडौंले प्रहरीको सवारीसाधनमा जिपिएस ट्रयाकिङ सिस्टम राख्न थालेपछि प्रहरीको काम थप प्रभावकरी हुने परिसर प्रमुख प्रहरी वरिष्ठ उपरीक्षक (एसएसपी) अशोक सिंहले बताए ।
प्रहरी सवारीसाधनमा भएको जिपिएसको माध्यबाट प्रहरीहरू भनेको ठाउँमा पुगे÷नपुगेको हेर्न, सवारी सधान कहाँ छन जस्ता गतिविधि सजिलै कार्यलयबाट हेर्न सकिनेछ ।
महानगरीय प्रहरी वृत्त, थानकोटका १६ वटा गाडीमा जिपिएस ट्रयाकिङ सिस्टम राखिएको छ । सो जिपिएस चन्द्रागिरि नगरपालिकाको आर्थिक सहयोगमा जडान गरिएको प्रमुख सिंहले बताए ।
काठमाडौंका अन्य वृत्तका सवारीसाधनमा पनि जिपिएस जडान गरिने तयारी भएको उनले भने ।
Categorized in समाज
