काठमाडौं । हत्कडीसहित गत बुधवार काठमाडौं जिल्ला अदालतबाट फरार अभियुक्त लालकाजी तामाङलाई प्रहरीले पक्राउ गरेको छ ।
अभियुक्त तामाङलाई महानगरीय प्रहरी परिसर काठमाडौंको विशेष टोलीले शुक्रबार सिन्धुलीमा पक्राउ गरेको हो ।
सिन्धुपाल्चोकका अभियुक्त तामाङलाई सिन्धुलीको एक गाउँमा लुकेर बसेको अवस्थामा पक्राउ गरी काठमाडौं ल्याएको प्रहरीले बताएको छ ।
तामाङ विरुद्ध एक युवतीले गालीगलौज गरेको आरोपमा साइबर अपराधमा अनुसन्धान गरिदिन माग गर्दै तामाङ र अर्का एक जनाविरुद्ध उजुरी दिएकी थिइन ।
सोही मुद्दामा अनुसन्धानका लागि म्याद लिन परिसरको टोलीले उनलाई अदालत बुझाउँदा उनी हत्कडीसहित अदालत परिसरबाटै भागेका थिए ।
Categorized in समाज
