काठमडौं । शुक्रवार चीनबाट ४४ लाख डोज भेरोसेल खोप काठमाडौं आईपुगेको छ ।
स्वास्थ्य सेवा विभागको अनुसार शुक्रबार दिउँसो २ बजे उडानमार्फत उक्त परिमाणको खोप त्रिभुवन विमानस्थल आइपुगेको हो ।
चीनसँग खरीद गरेको ६० लाख डोज भेरोसेल खोपमध्ये १६ लाख डोज यसअघि नै आइसकेको छ ।
विभागको खोप महाशाखाका निर्देशक डा. सागर दाहालका अनुसार काठमाडौं, भक्तपुर, ललितपुर, मकवानपुर, रामेछाप, सर्लाही र अछाममा ४० वर्षभन्दा माथिका नागरिकलाई खोप दिइने छ ।
त्यसैगरी हिमाली १० जिल्ला ताप्लेजुङ, सोलुखुम्बु, रसुवा, संखुवासभा, मुगु, रसुवा, जुम्ला, हुल्ला, डोल्पा, बाजुरा, र दार्चुला का १८ वर्षभन्दा माथिका नागरिकलाई खोप दिने योजना बनाइएको छ ।
त्यस्तै, काभ्रे, चितवनमा ३५ वर्षभन्दा माथि, अन्य ५५ जिल्लामा ५५ वर्षभन्दा माथिका नागरिकलाई खोप दिइने छ ।
त्यसैरी १८ वर्षभन्दा माथिका खोप लगाउन छुटेका भएका विद्यार्थी, फ्रन्टलाइनमा खटिएका, अतिआवश्यक सेवा, शिक्षक, पर्यटक क्षेत्रका मानिसलाई समेत खोप दिने योजना रहेको दाहाले बताए ।
Categorized in राष्ट्रिय
