काठमाडौं । काठमाडौं महानगरपालिका वडा २४ को आयोजनामा सञ्चालित निःशुल्क स्वास्थ्य शिविर सम्पन्न भएको छ ।
मंगलवार मखन टोलको सिंहदुवामा आयोजित सो स्वास्थ्य शिविरमा ३७७ जनाले स्वास्थ्य जाँच गराएको वडा अध्यक्ष विनोदकुमार राजभण्डारीले जानकारी दिए ।
वि.पी. नेत्र प्रतिष्ठानको प्राविधिक सहयोग र कामपा २४ को सामुदायिक शहरी स्वास्थ्य केन्द्रको आयोजनामा निःशुल्क, आँखा तथा नाक, कान, घाँटीको उपचार शिविर राखिएको थियो ।
अध्यक्ष राजभण्डारीको अनुसार सो सिविरमा २४० जनाले आँखा जाँच गरएका थिए बाँकीले नाक, घाटी, कान देखाएका थिए ।
२ सय जनालाई निःशुल्क चश्मा वितरण गरिनुका साथै आवश्यक औषधीहरु पनि उपलव्ध गराएको अध्यक्ष राजभण्डारीले बताए ।
उनले वडाले हरेक महिना स्वास्थ्य शिविर सञ्चालन गर्दै आएको बताउँदै आगामी महिना दन्त शिविर सञ्चालन गर्ने योजना रहेको पनि सुनाए ।
Categorized in स्वास्थ्य