काठमाडौं र काभ्रेबाट नक्कली नोट छाप्ने चार जना पक्राउ
प्रकाशित: विहिवार, २४ पुष २०७६, १७ः०० बजे
- महानगरखवर
काठमाडौं । नक्कली नोट छापी कारोवार गर्ने चार जनालाई केन्द्रीय अनुसन्धान व्यूरो (सीआईबी) को टोलीले पक्राउ गरेको छ ।
टोलीले उनीहरुलाई काठमाडौं र काभ्रेका विभिन्न स्थानबाट पक्राउ गरेको जनाएको छ ।
पक्राउ पर्नेमा सल्यानका कमल भनिने कोवाराम बुढाथोकी, काभ्रेका बलबहादुर राना, डोटीका आर्यान खड्का र धनुकुटाका छत्रबहादुर लिम्बु रहेका छन ।
सीआईबी टोलीले उनीहरुलाई ४ लाख १३ हजार नक्कली नोटसहित नियन्त्रणमा लिई अनुसन्धान थालेको छ ।
पक्राउ परेका बुढाथोकीबाट २ लाख ९८ हजार, बलबहादुरबाट ९० हजार नक्कली नोट र खड्काबाट २५ हजार नक्कली नोट बरामद भएको छ ।
साथै उनीहरुबाट कलर फोटोकपी मेसिन, एउटा पेपरमा ४ वटा नोट अटाएर फोटोकपी गरेका ३५ थान पेपर बरामद गरेको छ ।
Categorized in बजार
