काठमाडौं । काठमाडौं महानगरपालिका प्रमुख विद्यासुन्दुर शाक्यलाई श्री गणेश श्री भैरव संरक्षण समितिले सम्मान गरेको छ ।
आईतबार एक कार्यक्रमविच वर्तमान तथा भूतपूर्व जीवित श्री गणेश श्री भैरव संरक्षण समितिले महानगरको वडा नं २१ त वहा, लगंमा प्रमुख शाक्यलाई सम्मान गरेको हो ।
प्रमुख शाक्यले पूर्व गणेश र भैरवको जीविकोपार्जनका लागि अभिभावकत्व ग्रहण गरेकोले सम्मान गरेको समितिले जनाएको छ ।
जीवन्त र राजकीय सस्कृतिका रुपमा मनाइने येँया (इन्द्रजात्रा) पर्वमा जीवित देवीदेवतामध्ये श्री गणेश र श्री भैरवका रुपमा रहेका भएका पूर्व गणेश र भैरवको बिशेष पूजा आराधना गरिन्छ ।
काठमाडौं महानगरले श्री गणेश र भैरवका रुपमा रहनुभएका जीवित देवीदेवताको महत्वलाई ध्यान दिदै मासिक भत्ताको व्यवस्था गरेको छ ।
प्रमुख शाक्यले २०७५ सालबाट पूर्व कुमारीलाई १५ रुपैयाँ र पूर्व गणेश तथा भैरवलाई मासिक १२ हजार रुपैयाँ भत्ता प्रदान गर्न थालिएको छ ।
यस अघि पुर्व कुमारीलाई मासिक १० हजार र पूर्व गणेश तथा भैरवलाई मासिक ८ हजार रुपैयाँका दरले गर्दै आएको थियो ।
महानगरले इन्द्रजात्राको दिगो व्यवस्थापनकालागि काठमाडौं महानगरपालिकाले संघ, प्रदेश र स्थानीय सरकारको सहकार्यमा ५ करोड रुपैयाँको अक्षय कोष स्थापना गरिसको छ ।
सो अवसरमा प्रतिनिधि सभा सदस्य कृष्ण गोपाल श्रेष्ठले धर्म, कला र संस्कृतिको स्थायित्वका लागि महानगरले अघि सारेका योजनाको प्रशंशा गरे ।
कार्यक्रममा वडा २१ का अध्यक्ष उदयचुडामणि बज्राचार्य, पूर्व जीवित देवीदेवताकातर्फबाट बोल्दै गणेश शाक्यले धारणा राखे ।
त्यस अवसरमा हनुमानढोका दरवार क्षेत्र संरक्षण कार्यक्रमका पूर्व प्रमुखहरु, श्री गणेश भैरव खट व्यवस्थापन उप–समितिका सदस्य तथा इन्द्रजात्रामा सहयोग गर्ने विभिन्न व्यक्ति र संघ सस्थालाई समेत सम्मान गरिएको थियो ।
Categorized in स्थानिय