काठमाडौं महानगरले ८ वटा आकाशे पुलको प्रचार सामग्री हटायो
काठमाडौँ । काठमाडौं महानगरपालिकाले निषेधाज्ञाका विच आठ वटा आकाशे पुलको प्रचार सामग्री हटाएको छ ।
महानगरले रत्नपार्क, भोटाहिटी, दरवारमार्ग लगायतका आकाशेपुलमा टांगिएका विभिन्न विज्ञापनयुक्त प्रचार सामग्रीहरु हटाएको नगर प्रहरी महाशाखा प्रमुख धनपति सापकोटाले बताए ।
नगर प्रहरी प्रमुख सापकोटाका अनुसार प्रचार सामग्री हटाउनको लागि केही कठिन भएपनि अप्ठेरो भएको ठाउँमा रग पोतेर प्रचार सामग्री छोपिदिएको छ ।
सम्झौता गर्ने पक्षले सम्झौता बमोजिम राजस्व नतिरेपछि महानगरले ती सबै प्रचारसामग्रीहरु हटाएको हो ।
त्यसैगरी महानगरका प्रहरी अहिले विकास साझेदारले सडकमा छोडेका अनधिकृत निर्माण सामाग्री तथा प्रचार सामाग्री हटाउन थालेको छ ।
कलंकीदेखि त्रिपुरेश्वरको मुल सडक, सुन्धारा, नयाँ सडक, भोटाहिटी, जमल, कान्तिपथ, दरबार मार्ग, कमलादी, पुतलीसडकको सामाग्री हटाइएको छ ।
सडक किनारा तथा पार्कमा रहेका जोखिमयुक्त रुखको हाँगा काटेर जोखिममुक्त बनाउने, वातावरण व्यवस्थापन विभागसँग मिलेर सडक र किनाराको सफाइलगायत काम गरिरहेको छ ।
Categorized in स्थानिय
