काठमाडौं महानगरले ३ दिन महानगर दिवश मनाउँदै, जेष्ठ नागरिकलाई निमोनिया खोप दिने
काठमाडौँ । काठमाडौं महानगरपालिकाले ३ दिन महानगर दिवश मनाउने भएको छ ।
महानगरले २७ औं महानगर दिवशको अवसरमा जेष्ठ नागरिकलाई निमोनियाको निःशुल्क खोप तथा स्वास्थ्य शिविर, सेवाग्राही सर्वेक्षण विशेष सरसफाई, खेलकुद र सांस्कृतिक कार्यक्रमसहित मनाउने भएको छ ।
मंसिर २७, २८ र २९ दिवश मनाउने महानगर दिवस मुल समारोह समितिका अध्यक्ष विद्यासुन्दर शाक्यले बताएका छन ।
दिवशको अवसरमा ४० वटा वुथबाट सर्वेक्षण गरिनेछ । यसमा सहभागी हुनेहरुलाई निःशुल्क १० वटा मास्क दिइनेछ । यसैगरी १० वटा वुथबाट कोविडविरुद्धको खोप सञ्चालन गरिनेछ ।
यसैगरी विद्यालय स्तरमा ‘सांस्कृतिक सहर, काठमाडौँ महानगर’ शीर्षकमा वक्तृत्वकला प्रतियोगिता हुनेछ । ३ दिने कार्यक्रमको अन्तिम दिन २९ गते बसन्तपुरमा मुल समारोह आयोजना हुनेछ ।
त्यस दिन परम्परागत बाजा गुरु, कलाकार सम्मान, सुशासन पत्रकारिता पुरस्कार, कर्मचारीलाई पदक तथा अन्य क्षेत्रगत पुरस्कारहरु वितरण गरिने छ ।
Categorized in स्थानिय
