काठमाडौं महानगरले १८ बर्ष माथिकालाई ३ दिने खोप कार्यक्रम संचालन गर्ने
काठमाडौँ । काठमाडौँ महानगरपालिकाले १८ बर्ष माथिका सबै नागरिकका लागि ३ दिन कोविड विरुद्धको पहिलो डोज खोप कार्यक्रम सञ्चालन गर्ने भएको छ ।
महानगरले असोज २२ गतेदेखि २४ गते अपरान्हसम्म महानगरका ३२ वटै वडाबाट खोप दिईने जनस्वास्थ्य विभागका प्रमुख हरिबहादुर कुँवरले जानकारी दिए ।
उनले भने ‘स्वास्थ्य मापदण्डको पूर्ण पालना गर्ने गराउने अनुरोधसँगै १८ बर्ष माथिका सबैका लागि ३ दिने खोप कार्यक्रम चलाउन लागेका हौँ ।’
कुँवरकाअनुसार खोप लिन विद्युतीय दर्ता गरेर फोटो भएको परिचय पत्रसहित खोप केन्द्र जान आग्रह गरेका छन । महानगरका ३२ वटा खोप केन्द्रबाहेक नेपाल प्रहरी अस्पताल, महाराजगञ्ज, वीर अस्पताल, निजामति कर्मचारी अस्पताल, बानेश्वर, परोपकार प्रसुति तथगा स्त्रीरोग अस्पताल, थापाथली र वीरेन्द्र सैनिक अस्पताल छाउनीबाट पनि खोप लिन सकिनेछ ।
vaccine.mohp.gov.np बाट विद्युतीय नाम दर्ता गराउन सकिन्छ ।
Categorized in स्वास्थ्य
