काठमाडौँ । काठमाडौं महागरपालिकाले चैत्र २५ गतेबाट महानगरको गरिब घर परिवारको गणना तयारी गरेको छ ।
गणना कार्यमा खटिने गणक र गणकको सुपरिवेक्षण गर्ने सुपरिवेक्षकका लागि पनि तालिम सुरु गरिएको महानगरपालिकाले जनाएको छ ।
२१ जना सुपरिवेक्षक र २०९ जना गणकले महानगरको घर घरमा गएर टयावमा विवरण उल्लेख गर्नेछ ।
तथ्याङ्क अधिकृत कृष्णराज तिवारीका अनुसार जनगणना २०७८ ले महानगरपालिकाभित्र देखाएको घरपरिवार संख्या २ लाख ३८ हजार ९६६ रहेको छ ।
वडागत रुपमा हेरेर गणक र सुपरिवेक्षक खटाउँदा १ जना गणकले १ महिनामा २५० जना घरपरिवारको तथ्याङ्क संकलन गर्ने गरी समय र जनशक्ति खटाइनेछ ।
गणना योजना अनुसार वडा नं. १६ र ३२ गरी २ वटा वडामा २१/२१ जना, वडा नं. ६ र ३१ मा १४/१४ जना, वडा नं. १५ मा १२ जना, वडा नं. १४ मा ११ जना, ४ र ७ मा १०/१० जना जनशक्ति परिचालन गरिनेछ ।
यस्तै वडा नं. २६ र १३ मा ९/९ जना, वडा नं. ३, ९ र १० गरी ३ वटा वडामा ८/८ जना जनशक्ति खटिनेछन । वडा नं. २९ मा ६ जना, वडा नं. १७ र ३० मा ५/५ जना, वडा नं. ५ मा ४ जना, वडा नं. २, ११, २१ र २८ मा ३र३ जना खटिनेछन ।
वडा नं. ८, १२, १८, १९, २० र २५ गरी ६ वटा वडामा २/२ जना जनशक्ति परिचालन हुनेछ ।
वडा नं. १, २२, २३, २४ र २७ गरी ५ वटा वडामा १/१ जना जनशक्ति खटिनेछन ।
गणकहरुले गणना गर्ने क्रममा गरिबी, गरिब परिचय पत्र, विवरण संकलन र परिचय पत्रको कानुनी पक्ष र प्राविधिक कक्षामा ट््यावको प्रयोग गरेर अनलाइन प्रणालीमा आधारित विवरण संकलन, भण्डारण गर्नेछ ।
गणकहरुबाट प्राप्त भएको विवरण सुपरिवेक्षकले प्रशोधन गर्ने काम गर्नेछन ।
Categorized in स्थानिय