काठमाडौं । काठमाडौं महानगरपालिकाका प्रमुख प्रशासकीय अधिकृत सरोज गुरागाईं कार्यालयमा हाजिर हुन पुगेपछि महानगर प्रहरीले रोकेका छन ।
प्रमुख प्रशासकीय अधिकृत हाजिर हुन पुुगेपछि उनलाई नगर प्रहरीले रोकेका थिए तर कर्मचारीले गुराइगाईलाई कार्यालय प्रवेश गराएका थिए ।
गुरागाई कार्यालय प्रवेश गरेपनि उनी आफ्नो कार्यकक्षमा भने प्रवेश गर्न सकेनन ।
काठमाडौंको भ्यूटावर प्रकरणमा छानविन चलिरहेको भन्दै गत पुस ७ गतेदेखि गुरागाईंलाई बिदामा राखिएको थियो ।
त्यसपछि नियुक्त भएका निमित्त प्रमुख प्रशासकीय अधिकृत गोविन्दप्रसाद शर्माले पनि राजीनामा दिएपछि अहिले महानगर प्रमुख प्रशासकीय अधिकृतविहीन छ ।
यस्तो अवस्थामा आफूहरूले तलबसमेत खान नपाएको भन्दै कर्मचारीहरू आक्रोशित बनेका हुन् । उनीहरूले कुनै पनि हालतमा प्रमुख प्रशासकीय अधिकृत गुरागाईंलाई हाजिर गराउने बताइरहेका छन् ।
Categorized in पालिका
