काठमाडौं । काठमाडौं महानगरले महानगरभित्र ७,५५७ जना रहको तथ्यांक सार्वजनिक गरेको छ ।
महानगरका प्रमुख बिद्यासुन्दर शाक्यले महानगरका जेष्ठ नागरिकले एक्लो महसुस गर्न नदिने बताएका छन ।
महानगरले जेष्ठ नागरिकलाई प्रदान गर्ने महानगर विशेष भत्ता वितरणको कार्यक्रममा प्रमुख शाक्यले जेष्ठ नागरिकलाई बेसहार बन्न नदिने प्रतिवद्धता गरेका छन ।
महानगरले दिने विशेष भत्ता अन्तर्गत ७५ बर्ष उमेर पूरा भएका महिला र ८० बर्ष उमेर पूरा भएका पुरुष जेष्ठ नागरिकलाई जनही १२ हजार रुपैयाँ प्रदान गरिँदै आएको छ ।
महानगरभित्र स्थायी बसोबास गर्ने नागरिकलाई प्रदान गरिने यो भत्ता यस बर्ष १ हजार ९३६ पुरुष र ५ हजार ६२१ जना महिलाले प्राप्त गर्दै आईरहेको छ ।
कामपा वडा नंं २७ मा ७६ पुरुष र ३१५ महिला गरी ३९१ जना, वडा ४ मा ९७ पुरुष र २५७ महिला गरी ३५४ जना, वडा १४ र २५ मा बराबरी ३४० जना रहेका छन ।
त्यसैगरी वडा १६ ४५ जना पुरुष र ८७ जना महिला गरि १३२ जना, वडा २० र २२ वडामा क्रमश १४१ जना महानगर भत्ता पाउने नागरिक रहेका छन । वडा ८ वडामा ४४ जना पुरुष र १०७ जना महिला गरि १५१ जना रहेका छन ।
यसरी वितरण हुने भत्ता रकम ९ करोड ६ लाख ८४ हजार रुपैयाँ रहेको महानगरपालिकाले जनाएको छ ।
Categorized in समाज
