काठमाडौं महानगरभित्रका पेट्रोल पम्प पहेलो रंगको हुनुपर्ने
काठमाडौं । काठमाडौं महानगरपालिका क्षेत्रभित्रका पेट्रोल पम्पहरु अबदेखि पहेलो रंगमा हुनु पर्ने भएको छ ।
विहिवार बसेको महानगरभित्रका पेट्रोल पम्पको अवस्था, अध्ययन, अनुगमन तथा व्यवस्थापन समितिले सो निर्णय गरेको हो ।
सो निर्णय अनुसार पेट्रोल पम्मको पहिचान तथा एकरुपताको लागि पम्पहरुमा पहेलो रंग अनविार्य रुपमा लगाउनु पर्ने भएको छ । साथै पेट्रोल भर्ने कर्मचारीहरुले अनिवाई रुपमा खैरो रंगको पीपीई लगाउनु पर्नेछ ।
त्यसैगरी, पम्पभित्र निःशुल्क शौचालय अनिवार्य व्यवस्था गरिनु पर्ने, पम्प परिसरमा हरियाली गराउनु पर्ने र कर्मचारीहरुलाई अग्नि नियन्त्रणसम्बन्धी तालिम व्यवस्था गरिनु पर्ने भएको छ ।
महानगर प्रहरी उपरीक्षक विष्णु प्रसाद जोशीको संयोजक्तमा गठित सो समितिले महानगरभित्रका पेट्रोल पम्पहरुको अध्ययन तथा अनुगमन गरेको थियो।
Categorized in बजार
