७ मङ्सिर २०८३, आइतबार
Binod Yojesh Ram

काठमाडौं महानगरबाट सूर्यविनायक र स्तुपा सामुदायिक अस्पतालाई भेन्टिलेटर प्रदान 


प्रकाशित: बुधवार, १८ फागुन २०७८, २०ः३० बजे
- महानगरखबर

काठमाडौँ । काठमाडौँ महानगरपालिकाले सूर्यविनायक नगरपालिकाले सञ्चालन गरेको सूर्यविनायक नगर अस्पताल र  स्तुपा सामुदायिक अस्पताललाई २ थान भेन्टिलेटर प्रदान गरेको छ । 


बुधवार महानगरका प्रमुख विद्यासुन्दर शाक्यको रोहवरमा प्रमुख प्रशासकीय अधिकृत लोकनाथ पौडयालले सूर्य विनायक नगरका प्रमुख प्रशासकीय अधिकृत राजेन्द्रप्रसाद कँडेल र स्तुपा सामुदायिक अस्पतालका निर्देशक पेम्बा लामासँग सम्झौता पत्रमा हस्ताक्षर गरेपछि भेन्टिलेटर उपलब्ध गराइएको हो ।

 


स्तुपा समुदायिक काठमाडौं महानगरपालिका वड ६ स्थित सञ्चालमा छ । 


महानगरलाई भगिनी सहर तिव्वतको ल्हासा नगरले उपलव्ध गराएको ५ थान भेन्टिलेटरबाट ३ वटा भेन्टिलेटर वितरण गरिएको हो ।


 भेन्टिलेटर हस्तान्तरणपछि प्रमुख शाक्यले भने, ‘हामीले महानगरबासीको मात्र होइन । महानगर आउने सबै जनताको स्वास्थ्य र शिक्षा जिम्मा लिएका छौँ । यहाँ उपचार र शिक्षाका लागि आउने कसैले फर्कनु नपरोस् भनेर ती क्षेत्रमा क्षमता बढाउने काम गरेका छौँ ।’ 


काठमाडौँ जिल्लाका सबै नगरसँग नगर—नगर साझेदारी कार्यक्रम सञ्चलान गरेको र  ५ वटा प्रदेशका ५ वटा नगरसँग भगिनी सम्बन्ध स्थापना गरेर पार्क तथा हरियाली बढाउने योजनाका लागि १ करोड ५० लाख रुपैयाँका दरले महानगरले सहयोग गरेको प्रमुख शाक्यले बताए ।  


शाक्यले भक्तपुरको मध्यपुर थिमी र चाँगुनारायण नगरलाई सहयोग गरेको तथा ललितपुर महानगर र गोदावरी नगरसँग साझेदारी गर्ने कार्यक्रमको विषयलाई अन्तिम रुप दिन लागेको जानकारी दिए । 


सूर्यविनायक नगरका प्रमुख बासुदेव थापाले सूर्यविनायक नगर अस्पताललाई महानगरले भेन्टिलेटर उपलब्ध गराएपछि आकस्मिक सेवाका लागि सहज महसुस भएको बताए ।  


महानगरकी उपप्रमुख हरिप्रभा खड्गी श्रेष्ठले भनिन, ‘हामीले सरकारी र सामुदायिक अस्पतालहरुको क्षमता बढाउन सहयोग गरेका छौँ । कोविडका बेला विकासका काम रोकेर पनि स्वास्थ्य सुरक्षाका लागि काम ग¥यौँ ।’


उनले भने,‘हामी संघ र प्रदेश सरकारको सहयोगमा १ सय वेडको अस्पताल बनाउने योजनामा छौँ । महानगरले भेन्टिलेटर दिएको छ । एचडीयु र आइसीयुका लागि सामाग्री र उपकरण प्राप्त भएपछि त्यस भेगबाट अत्यावश्यक सेवा लिने विरामीले अन्य अस्पताल जानु पर्दैन । यसबाट अन्य अस्पतालको चाप घट्नेछ ।’ 
 

asteriskhubs
Home Page Bottom Second


nuhadya 1147
binod rajbhandari
Yogesh Khadgi KMC 27
maharjan complex
ramkrisna naya bachat
dev dai naya bachat
kmc 12 bala
bagmati gaupalika