काठमाडौं महानगरपालिका अब विहान ९ बजेबाट खुल्ने
काठमाडौं । काठमाडौँ महानगरपालिकाले सेवाग्राहीलाई विहान ९ बजेदेखि कार्यालय सञ्चालन गरी सेवा दिने भएको छ ।
काठमाडौं महानगरका प्रवक्ता एंव १७ वडा अध्यक्ष नविन मानन्धरले बैशाख १६ गते आइतवारदेखि विहान ९ बजेदेखि कार्यालय खोल्ने जानकारी दिए ।
बेलुका भने समय भने साविककै हुने प्रवक्ता मानन्धरले बताए । यो सेवा महानगरपालिकाका सबै विभाग, वडा, सचिवालय, आयोजनासमेतका कार्यालयको हकमा लागू हुनेछ ।
बिहान १० बजेबाट सरकारी तथा निजी क्षेत्रका कार्यालयमा काम गर्ने कर्मचारीलाई यो व्यवस्थाले महानगरपालिकाबाट सेवा प्राप्त गर्न सहज हुने प्रवक्ता मानन्धरको भनाई छ ।
त्यसैगरी, थप समयमा काम गर्नका लागि कर्मचारीह?लाई प्रोत्साहन गर्न ‘काठमाडौँ महानगरपालिका कर्मचारी सेवा सुविधा सम्बन्धी मापदण्ड २०८०’ नगर कार्यपालिकाबाट स्वीकृत गरी स्थानीय राजपत्रमा प्रकाशित भइसकेको छ ।
Categorized in स्थानिय
