काठमाडौं महानगरको बजेटः २५ अर्ब ५४ करोड, शिक्षमा ७ अर्ब विनियोजन
काठमाडौं । काठमाडौं महानगरपालिकाले आर्थिक बर्ष २०८०/०८१ को लागि बजेट प्रस्तुत गरेको छ ।
आइतवार महानगर उपप्रमुख सुनिता डंगोलले सो आ.व.को लागि २५ अर्ब ५४ करोड ७८ लाख २० हजार रुपैयाँको बजेट पेश गरेकी छिन ।
चालुतर्फ ८ अर्ब ६१ करोड ५३ लाख २८ हजार र पुँजीगततर्फ १६ अर्ब ९३ करोड २४ लाख ९२ हजार रुपैयाँ विनियोजन गरिएको छ ।
चालुतर्फ कुल बजेटको ३३.७२ र पुँजीगततर्फ ६६.२८ प्रतिशत बजेट छुट्याइएको हो ।
महानगरको बैंक मौज्दान ११ अर्ब ७५ करोड रुपैयाँ रहेको छ । यो महानगरको सबैभन्दा ठुलो आय स्रोत हो ।
महानगरपालिकाले सबैभन्दा धेरै शिक्षा क्षेत्रमा ७ अर्ब ३४ करोड रुपैयाँ विनियोजन गरेको छ । स्वास्थ्य क्षेत्रका लागि ९२ करोड रुपैयाँ विनियोजन गरेको छ ।
त्यसैगरी, १० वटा महानगर गौरवको योजनाका लागि ३ अर्ब ८० करोड विनियोजन गरिएको छ ।
त्यस्तै, २५ वटा महानगर स्वर्णिम योजनाका लागि २ अर्ब विनियोजन गरिएको छ ।
उपप्रमुख डंगोलले महानगरले संघीय सरकार र प्रदेश सरकारको सशर्त अनुदानबाट १ अर्ब ४५ करोड ६२ लाख, निशर्त अनुदानबाट ८९ करोड ३६ लाख, आन्तरिक आयबाट ६ अर्ब ३९ करोड प्राप्त हुने बताईन ।
उनका अनुसार राजस्व बाँडफाँटबाट २ अर्ब १६ करोड र सामाजिक सुरक्षा र जग्गा एकीकरणबाट २ अर्ब प्राप्त हुने उल्लेख गरिन ।
यस अघि आ..व. २०७९/८० मा २५ अर्ब ४१ करोड ९६ लाख ९६ हजार रुपैयाँको बजेट विनियोजन भएको थियो ।
बजेटको पूर्ण पाठः
Categorized in स्थानिय
