काठमाडौं । भक्तपुरमा देखिएका कोरोना संक्रमित काठमाडौं महानगरपालिकाको फोहरमैला वोक्ने चालक भएको खुलेको छ ।
संक्रमित व्यक्ति भक्तपुर नगरपालिका वडा नं. ५ का ४२ वर्षिय पुरुष हुन । उनलाई मंगलवार राती नै प्रहरीले सशस्त्र प्रहरी अस्पताल बलम्बु पुराएको समाचार भक्तपुरको नमस्ते ख्वप टेलिभिजनले प्रसारण गरेको छ ।
त्यसैगरी भक्तपुर नगरपालिका प्रमुख सुनिल प्रजापतिले पनि ती व्यक्ति भक्तपुर नगरपालिका ५ का वासिन्दा भएको समाचार अनलाईनखवरले प्रकाशित गरेको छ ।
समाचार अनुसार रातीनै सो क्षेत्र सिल गरेको भक्तपुर महानगरीय प्रहरी परिसर एसपी सबिन प्रधानले एसपी सबिन प्रधानले जनाएको छ ।
मंगलावार काठमाडौं उपत्यकमा ५ जना कोरोना संक्रमण पुष्टि भएकोमा भक्तपुरमा एक जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको थियो ।
काठमाडौंमा ३ जना र ललितपुरमा एक जना कोरोना देखिएको थियो ।
Categorized in समाज